Këngëtari Jason Derulo është vënë në qendër të kritikave në rrjetet sociale pasi u shfaq duke mbajtur peshkaqenë dhe një peshk manta në një akuarium të ndërtuar në dyshemenë e shtëpisë së tij luksoze në Tarzana, Kaliforni.
Artisti 36-vjeçar u bë objekt polemikash pasi ambienti u shfaq në një video ku ai prezantonte pronën e tij për një vlogger. Pamjet u përhapën me shpejtësi në internet, duke nxitur reagime të forta nga aktivistë dhe adhurues të kafshëve.
Shumë përdorues e akuzuan këngëtarin se po i mbante kafshët në kushte të papërshtatshme vetëm për arsye estetike dhe për të impresionuar vizitorët.
Absolutisht nuk ka asnjë arsye për ta bërë këtë. I urrej të famshmit që i trajtojnë kafshët si lodra për t’i ekspozuar. Ai duhet të raportohet
-shkroi një përdorues në rrjetet sociale.
Një tjetër komentues e cilësoi akuariumin si diçka që “duhet të jetë e paligjshme”, duke kritikuar faktin që këngëtari e tregoi publikisht pa asnjë shqetësim.
Reagimet u përqendruan kryesisht te madhësia e hapësirës dhe mungesa e elementeve që mund të krijonin një mjedis më natyral për kafshët detare.
Nuk kanë ku të fshihen nga njerëzit, dritat e forta apo zhurmat
-shkroi një komentues.
Ndërsa një tjetër shtoi:
Nuk ka asgjë që i stimulon. Edhe peshku im i artë kur isha fëmijë kishte kushte më të mira.
Disa përdorues pretenduan se në akuarium mund të shiheshin disa peshkaqenë dhe një manta ray, duke e përshkruar pamjen si “shqetësuese” dhe “të trishtueshme”.
Ka peshkaqenë. Më shumë se një. Në një hapësirë që duket si pishinë për fëmijë. Numërova të paktën tre. Edhe manta ray. Është e tmerrshme
-shkroi një përdorues.
Të tjerë e quajtën akuariumin “veprimin më të keq të mundshëm”, duke theksuar se kafshët nuk duhet të trajtohen si objekte dekorative.
Kjo është një krijesë e gjallë, jo një dekor. Dhe akuariumi duket bosh, pa asgjë që t’i ngjajë habitatit të tyre natyror
-thuhej në një tjetër koment.
Deri tani, Jason Derulo nuk ka reaguar publikisht ndaj kritikave që kanë pushtuar rrjetet sociale pas publikimit të videos.