E ftuar në “Live From Tirana” me Ronaldo Sharkën, ka qenë Olta Sheta, për të komentuar më shumë mbi ngjarjet e ndodhura në “Big Brother VIP 5”, si dhe banorët e shtëpisë më të famshme në Shqipëri.
Pjesë nga intervista:
Duket sikur po lindin disa shkëndija romance mes Kristit dhe Krusitës, si mendon?
Olta Sheta: Këtë nuk e di, nuk e kam parë. Por unë e shoh si lojtar. Nëse ka një njeri që e ka kuptuar si luhet “Big Brother”, është ‘bajamja’. Po shumë mirë, të dy këngëtarë, bëjnë edhe ndonjë duet bashkë.
A do shkonin si çift?
Olta Sheta: Si çift, jo. Nuk besoj që Krusita do ketë preferenca siç është Kristi. Kristi është person pozitiv. Më pëlqen mënyra se si luan, e ka kuptuar si luhet “Big Brother”, i acaron të gjithë. Ka shumë intuitë. Është i zgjuar. Sidomos ajo dalja nga burgu ishte fantastike fare, më ka pëlqyer shumë. Ai është motori i shtëpisë, krijon situata./ Top Channel
