Një video që kishte mbetur “e bllokuar” për gati dy vjet u bë publike, duke regjistruar momentin kur Justin Timberlake ndalohet nga policia dhe i bëhet kontroll për drejtim nën ndikimin e alkoolit.
Ngjarja ndodhi në qershor 2024 në Sag Harbor, kur autoritetet ndaluan artistin e njohur për mosrespektim të sinjalit stop dhe sjellje të rrezikshme në rrugë. Në materialin nga kamerat e policisë, ai duket i sikletosur, duke u përpjekur të shpjegojë kush është, përpara se të identifikohej.
Policët i kërkuan të zbresë nga makina dhe t’i nënshtrohej testit të qetësisë, të cilin nuk arriti ta përfundojë me sukses. Ai gjithashtu refuzoi të bëjë testin e alkoolit, çka çoi në arrestimin e tij dhe dërgimin në stacion policie. Në video shihet edhe e fejuara e tij, e cila përpiqej të bindte policinë të mos kryente arrestimin, por pa rezultat.
Artistit i është caktuar më pas një dënim ligjor më i lehtë: gjobë, punë komunitare dhe pezullim i përkohshëm i patentës së drejtimit.
Përfaqësuesit e tij ligjor kishin tentuar të pengonin publikimin e videos, duke argumentuar se kjo do të dëmtonte imazhin dhe privatësinë e tij, por pavarësisht kësaj, materiali u bë publik dhe shkaktoi interes të madh nga mediat dhe fansat.
