Jori Delli është kthyer në një nga banoret më të diskutuara edhe pse ka pak ditë që është bërë pjesë e “Big Brother VIP2”.

Shkak është bërë afrimiteti që krijoi me Luiz Ejllin, i cili është një nga banorët më të komentuar të këtij edicioni të BB VIP.

Pjesa më e madhe e komenteve e shikojnë marrëdhënien e tyre si një flirt dhe jo diçka shoqërore, ndërsa një pjesë më e vogël i shikojnë diskutimet dhe veprimet e tyre si një raport normal mes dy banorëve.

Së fundmi, lidhur me këtë ka reaguar edhe Beniada Nishani. Kjo e fundit është shoqe e Jorit dhe e njeh mjaft mirë atë.

Ajo u pyet rreth mendimit të saj për marrëdhënien e Luizit me Jorin dhe preferoi të përgjigjet me një rast që ka ndodhur në shtëpi, ku këngëtari i dhuroi një trëndafil modeles.

Beniada shtoi se Jori nuk ka asnjë qëllim “të trazojë” Luizin, apo marrëdhënien e tij me Kiarën.

“Luizi i dha një trëndafil Jorit dhe ajo i tha “ky trëndafil ka aromën e Kiarës”, tani se çfarë po bën, nuk e di. Unë nuk mendoj se Jori ka hyrë me atë qëllim, që të “trullosë” Luizin. Koha do ta tregojë se është një vajzë shumë e shkathët dhe me zemër shumë të madhe”, tha Beniada.