Aktorja dhe moderatorja e dashur për publikun, Rudina Dembacaj, feston sot ditëlindjen. Teksa ka zbuluar se ditëlindjen do ta festojë tek dera e spitalit, pasi babai i saj ndodhet i shtruar aty, sigurisht që nuk mund të mungonin urimet dhe surprizat nga miqtë, familjarët dhe fansat e shumtë.
Përmes postimeve në “Instastory”, Rudina ka zbuluar urimet e shumta dhe të bukura që ka marrë në ditën e saj të veçantë. Gjithashtu ka treguar edhe surprizën që ka marrë nga partneri, Mark Frroku.
Moderatorja ka publikuar një foto ku shihet një buqetë e madhe me trëndafila të kuq. Ndonëse ajo nuk e ka përmendur emrin e dërguesit, kuptohet që Marku fshihet pas surprizës romantike.
Gjithashtu ka treguar edhe urimet që ka marrë nga dy vajzat e ish-deputetit. “Gëzuar ditëlindjen. Të dua”, i shkruan njëra ku ka postuar një video të Rudinës. Ndërsa tjetra teksa ka postuar një foto me moderatoren e uron: “Gëzuar ditëlindjen malësorja jonë”.
Kujtojmë se Rudina që në fillim ka treguar se ka një marrëdhënie shumë të mirë me fëmijët e Mark Frrokut.
