Top Channel po vazhdon të sjellë projekte nga më të ndryshme televizive që i kanë mbajtur njerëzit të ‘gozhduar pas ekranit’. Pas edicionit të parë të “Big Brother VIP” që padyshim ishte aq i suksesshëm sa jehona e personazheve vazhdon edhe sot, edicioni i dytë i tij ka nisur në 24 dhjetor dhe padyshim ka një vëmendje shumë të madhe nga publiku.
Në edicionin e parë të Big Brother Vip 1 vitin e kaluar vëmendje të madhe kanë marrë dronët e shumtë mbi shtëpi që vinin nga të afërmit e banorëve për t’i surprizuar ata. Edhe këtë edicion të dytë duket se këto surpriza nuk do të mungojnë, pasi vetëm pak më parë droni i parë për këtë sezon ka qenë një surprizë për Kiarën. Një video e postuar nga stilisti Niko Komani duket se ka qenë ai dërguesi i kësaj surprize për bukuroshen, ku në të shkruhet ” Kiara më mungon o jet”.
Ditën e sotme për herë të parë Luizi i ka treguar Kiarës rreth sëmundjes së tij të rrallë nga e cila vuan prej disa kohësh. Përveç kësaj ka treguar gjithashtu se ka vetëm 11 klinika në botë për kurimin e saj dhe një prej tyre, ku Luizi është interesuar është e zënë deri në gusht. Ndërkohë që ajo që ka marrë gjithashtu vëmendjen është edhe reagimi i Kiarës, e cila është shprehur se nëse do të ishin bashkë nuk do ta kishte lënë kurrë.