Një yll i njohur i K-pop-it i trembi fansat kur u rrëzua në skenë gjatë performancës, vetëm pak kohë pasi kishte treguar se kishte humbur 10 kilogramë brenda një muaji.
Është fjala për Hyuna, 33 vjeçe, e cila po performonte këngën e saj të famshme “Bubble Pop” në festivalin muzikor Waterbomb 2025 në Makao, kur papritur ra në dysheme.
Pamjet e momentit tronditës, që po qarkullojnë në internet, tregojnë balerinët duke vrapuar për ta ndihmuar, përpara se një roje sigurie ta ngrinte dhe ta nxirrte nga skena.
Fansat kanë shprehur shqetësim të madh për shëndetin e saj, veçanërisht pasi ajo kishte zbuluar më herët se kishte humbur 10 kilogramë brenda vetëm një muaji. Këngëtarja ndau një postim në Instagram me 16.1 milionë ndjekësit e saj, ku tregonte peshoren që shënonte 49 kilogramë.
Hyuna ishte diagnostikuar më parë, në vitin 2020, me sinkopë vazovagale, një gjendje që shkakton rënie të papritur të tensionit të gjakut dhe ritmit të zemrës, e cila mund të shkaktohet nga stresi, lodhja apo dieta ekstreme.
Pas rikthimit të vetëdijes dhe disa orëve pushim për t’u rikuperuar pas incidentit publik, Hyuna iu drejtua fansave të saj në “Instagram” për t’u kërkuar falje. Ajo premtoi gjithashtu se do të punojë për të forcuar qëndrueshmërinë fizike dhe për të qenë më e qëndrueshme në punën e saj.
