Reperi i njohur amerikan, Poorstacy, ka ndërruar jetë në moshën 26-vjeçare. Mediat e huaja shkruajnë se artisti i hip-hopit vdiq tragjikisht më 29 nëntor, pas asaj që është përshkruar si “një urgjencë mjekësore” në një hotel.
Muzikanti u dërgua me urgjencë në spital, por për fat të keq nuk mund që të shpëtohej.
Ndërkohë autoritetet vendase janë duke hetuar për shkaqet e kësaj ngjarjeje, por ende pa asnjë deklaratë zyrtare.
I lindur në Florida, nga Palm Beach, Carlito Milfort po qëndronte në një hotel në zonën e Boca Raton kur ndodhi tragjedia, shkruajnë mediat e huaja.
Sipas TMZ, një punonjës hoteli zbuloi se ishte regjistruar së bashku me një grua dhe një fëmijë të vogël, pasi kishte qenë në vendngjarje për 10 ditë para vdekjes së tij.
Karriera e reperit:
Diskografia e tij përfshinte dy albume studioje dhe dy EP, plus një pjesë në kolonën zanore të filmit “Bill & Ted Face the Music”, të nominuar për çmimin Grammy.
Ai bashkëpunoi gjithashtu me bateristin legjendar të Blink-182, Travis Barker.
Përditësimi i fundit i Carlitos në “Instagram” u shfaq tre muaj e gjysmë më parë, më 15 gusht, me një postim që tregonte tre foto të tij në makinë, përfshirë njërën me një fëmijë të dukshëm, me mbishkrimin: “Sepse zemër, unë jam një djalë Beamer”.
Ndërkohë fansat kanë reaguar menjëherë të trishtuar për lajmin e rëndë.
“Muzika jote më bëri shoqëri gjatë luftës me varësinë e rëndë në fillim të viteve 2020, i trishtuar që të shoh të largohesh, por gjithmonë mirënjohës për muzikën tënde”, shkroi një fans në rrjetet sociale.
