Isiah Whitlock Jr., aktori më i njohur për rolin e tij si Clay Davis në serialin “The Wire” dhe për bashkëpunimet e tij të shpeshta me regjisorin Spike Lee, ka ndërruar jetë në moshë 71 vjeçare. Vdekja e aktorit u konfirmua nga menaxheri i tij Brian Liebman, i cili e njoftoi lajmin në Instagram.
Ai shpjegoi për mediat se aktori ndërroi jetë në paqe në New York pas një sëmundjeje të shkurtër. “Ai ishte i dashur nga të gjithë ata që patën kënaqësinë të punonin me të ose ta njihnin. Do të na mungojë shumë”, tha ai.
“Kujtimi i tij qoftë përgjithmonë një bekim. Zemrat tona janë të thyera. Do të na mungojë shumë”. Whitlock Jr. lindi në South Bend dhe e filloi karrierën si aktor në San Francisko. Ai mori rolin e tij të parë të shquar në vitin 1987 në serialin “Cagney & Lacey”. Gjatë gati katër dekadave, ai është shfaqur në seriale të shumta, duke përfshirë “Law & Order”, “Veep”, “Your Honor” dhe së fundmi në serialin e Netflix “The Residence”.