Një robot android, EveR 6, u ngjit në podiumin e dirigjentit në Seul për të drejtuar një performancë të orkestrës kombëtare të Koresë së Jugut, duke shënuar përpjekjen e parë të tillë në vend. Roboti me dy krahë, i projektuar nga Instituti Korean i Teknologjisë Industriale, bëri debutimin e tij në Teatrin Kombëtar të Koresë, muzikantë kryesorë në orkestrën kombëtare të vendit.
Roboti, me një fytyrë humanoide, fillimisht u përkul para audiencës dhe filloi të tundte krahët për të kontrolluar tempin e shfaqjes live. Choi Soo-yeoul, i cili drejtoi performancën së bashku me robotin, u shpreh:
Lëvizjet nga një dirigjent janë shumë të detajuara. Roboti ishte në gjendje të paraqiste lëvizje të tilla të detajuara shumë më mirë nga sa e kisha imagjinuar. Por “dobësia kritike” e EveR 6 është se nuk mund të dëgjojë.
Lee Young-ju, një anëtar i audiencës që studion muzikën tradicionale koreane, tha se lëvizjet e robotit, megjithëse të patëmetë në mbajtjen e ritmit, i mungonte “frymëmarrja” ose aftësia për ta mbajtur orkestrën gati për t’u angazhuar kolektivisht dhe menjëherë – gjë që ai tha se ishte thelbësore në performancë.
Dukej se kishte disa punë për t’u bërë që roboti të bënte punën. Unë mendoj se do të ishte në gjendje ta bënte dirigjimin vetë kur të jetë i pajisur me inteligjencë artificiale për të kuptuar dhe analizuar muzikën. Ishte një recital që tregoi se robotët dhe njerëzit mund të bashkëjetojnë dhe plotësojnë njëri-tjetrin, në vend që njëri të zëvendësojë tjetrin.