Aktorja e famshme e Hollywood-it, Angelina Jolie, ka dhënë së fundmi një intervistë për revistën “Vogue”, ku ka zbuluar detaje nga jeta e saj pas ndarjes nga Brad Pitt.
Ish-ambasadorja e Agjencisë së Refugjatëve të OKB-së ka folur për atë se si prindërimi në mes të divorcit të saj të trazuar nga aktori i famshëm, e ka mbajtur gjallë gjatë viteve.
“Isha 26 vjeçe kur u bëra nënë. E gjithë jeta ime ndryshoi. Të kesh fëmijë më shpëtoi dhe më mësoi të jem ndryshe në këtë botë”, tha Jolie, duke shtuar:
“Mendoj se kohët e fundit do të kisha kaluar në një mënyrë shumë më të errët nëse do të doja të jetoja për ta. Ata janë më të mirë se unë, sepse ju dëshironi që fëmijët tuaj të jenë”.
Jolie dhe Pitt, të cilët njoftuan divorcin e tyre në 2016 pas 12 vitesh së bashku, kanë gjashtë fëmijë: Maddox, Pax, Zahara, Shiloh dhe binjakët: Vivienne e Knox.
Ylli i “Girl, Interrupted” tha për “Vogue” se po ndihet pak e ‘dobët’ këtë kohë.
“Jam ende duke e kuptuar se kush jam në moshën 48-vjeçare. Mendoj se jam në tranzicion si person”, rrëfeu ajo duke shtuar: “Nuk ndihem sikur kam qenë vetvetja për një dekadë, në një farë mënyre”.
Pa ndarë shumë, Jolie la të kuptohet se jeta ka qenë e vështirë për të gjithë familjen vitet e fundit.
“Ne kishim shumë plagë për të shëruar”, shpjegoi ajo, duke e përfundua intervistën: “Jemi ende duke gjetur bazën tonë”.