Misty Roberts, 43 vjeçe, është dënuar për përdhunimin e një djali 16-vjeçar gjatë një feste në shtëpinë e saj, ndërsa ishte ende kryebashkiake e një qyteti në Luiziana. 43-vjeçarja përballet me vite burg pasi një juri e shpalli fajtore për dy krime’ marrëdhënie seksuale me një të mitur ose përdhunim të një të mituri dhe sjellje të turpshme me një të mitur.
Kjo u parapri nga një gjyq shtatëditor gjatë të cilit u paraqitën dëshmi rreth mënyrës se si Roberts abuzoi seksualisht me të miturën, ndërsa të dy kishin pirë shumë gjatë një feste në pishinë në shtëpinë e saj në korrik 2024, kur ajo ishte tashmë në mandatin e saj të dytë si zyrtare e zgjedhur në qytetin e DeRinder.
Në ditën e fundit të gjyqit, viktima dëshmoi se “pavarësisht faktit që kisha pirë aq shumë sa po vjellja, Roberts ‘flirtoi’ me mua në pishinë dhe filloi të më puthte”. I riu, i cili ishte shumë i ri për të dhënë pëlqimin ligjor për marrëdhënie seksuale me 43-vjeçaren, dëshmoi se ajo përfundimisht e mori në krahë dhe e përdhunoi.
Viktima gjithashtu përshkroi se e dëgjoi Robertsin duke u grindur me të birin dhe duke bërtitur: “Shko lufto të dashurin tënd, ai është personi që e bëri”. Ish-bashkëshorti i Roberts, Duncan Clanton, dëshmoi se 43-vjeçarja i rrëfeu atij se kishte kryer krimin dhe se fëmijët e tyre e kishin kapur. Në një mesazh me tekst që i dërgoi, ajo dyshohet se shkroi: “Bëra gabim dhe të respektoj mjaftueshëm për ta thënë këtë”. Roberts dha dorëheqjen si kryebashkiake një ditë pasi autoritetet filluan të hetonin akuzat se ajo kishte përdhunuar një të mitur.