Mira Murati, shqiptarja që i dha botës inteligjencën artificiale ChatGPT, do të martohet në një ceremoni tërësisht private në Toskanë. Rikujtojmë se para një viti nëna e saj pyeti vetë ChatGPT se kur do të gjente burrë e bija.
Dasma është organizuar me një protokoll sigurie shumë të lartë, duke mbajtur larg vëmendjes publike çdo detaj. Të gjithë të ftuarit janë pajisur me kontrata të rrepta privatësie, të cilat ndalojnë publikimin e çdo materiali foto apo video nga ceremonia në rrjete sociale apo media.
Në festë nuk do të mungojnë ritet dhe zakonet shqiptare, duke i dhënë ceremonisë një shije autentike dhe krenare. Mira Murati do të veshë kostumin tradicional të nuseve të Jugut, me jelekun karakteristik të zonës së Vlorës, duke nderuar kështu rrënjët e saj kulturore. Këngët dhe vallet popullore shqiptare do të jenë pjesë e ceremonisë.