Aktorja e njohur, Eva Mendes, ka zbuluar një nga sekretet e saj të bukurisë. Aktorja kubano-amerikane është shprehur se praktikon dermaplaning, e cila është një procedurë eksfolimi fizik i ngjashëm me procesin e rruajtjes së mjekrës, në të cilin përdoret një bisturi kirurgjikale sterile për të rruar butësisht sipërfaqen e lëkurës së fytyrës, e cila kryesisht heq qelizat e vdekura, si dhe qime shumë të holla në fytyrë.
Kjo teknikë gjithashtu minimizon shfaqjen e shenjave të akneve dhe rrudhave.
Kam marrë shumë komente nga gra që kanë rruar fytyrat e tyre për vite, mendoj se ‘dermaplaning’ është fjala e duhur dhe më pëlqen.
Pavarësisht se roli i saj i fundit ishte 8 vjet e gjysmë më parë, Eva Mendes thotë se nuk e la kurrë aktrimin.
Nëna e dy fëmijëve sqaroi gjithçka për të gjithë ata që menduan se ajo u tërhoq nga “Hollywood”-i. 48-vjeçarja postoi një video në “Instagram” duke diskutuar mungesën e saj të gjatë nga industria e argëtimit, teksa shtoi se thjesht zgjodhi t’i jepte përparësi familjes së saj.
