Pasi luajtën së bashku në filmin “Once Upon a Time in Hollywood” në vitin 2019, Brad Pitt dhe Margot Robbie kanë bashkuar forcat për një film të ri që mban titullin “Babylon”. Kjo e fundit është një tjetër dramë historike.

“Babylon” u shkrua dhe u drejtua nga fituesi i çmimit Oscar, Damien Chazelle. Përpara publikimit të filmit, ja gjithçka që duhet të dini për të:

“Paramount Pictures” ka zbuluar filmin e ri të shumëpritur “Babylon” përmes një traileri premtues që sapo është publikuar. Në klipin shumë të shkurtër të prezantuar pak orë më parë dhe me titull “Welcome to Babylon”, regjisori flet dhe përmend se “Babylon” është “projekti më i madh që ka bërë ndonjëherë”.

Sipas revistës “Variety”, filmi “Babylon” zhvillohet rreth vitit 1920 dhe na tregon përshtatjen e Hollywoody-t me kinemanë, ndërsa në temë është i ngjashëm me filmin “The Great Gatsby” si dhe “Një herë në Hollywood” të Tarantinos”.

Revista raporton se “Babylon” do të na tërheqë vëmendjen veçanërisht në periudhën në vijim, ndërsa ka shumë gjasa që të rrëmbejë Oscar-t, ndërkohë që sipas regjisorit, shumica e personazheve të filmit janë karikatura të yjeve të vërtetë.

“Babylon” pritet të dalë në kinema të përzgjedhura më 25 dhjetor, por më 6 janar 2023 do të nisë shfaqjet në të gjitha kinematë.