Ish-presidenti i Shteteve të Bashkuara të Amerikës, Donald Trump dhe ish-Zonja e Parë, Melania Trump, janë parë duke u kthyer në Nju Jork pak para ceremonisë mortore të Ivana Trump.
“Daily Mail” shkruan se çifti ka mbërritur në rezidencën e saj të vjetër në Manhattan, në Kullën Trump të hënën. Ata mbërritën aty vetëm katër ditë pasi ish-gruaja e parë e Trump u gjet e vdekur në apartamentin e saj në Upper East Side.
76-vjeçari u shfaq i veshur me një kostum të zi dhe dukej i mërzitur teksa doli nga makina super e shtrenjtë dhe u fut në ndërtesën luksoze. Nga ana tjetër, 52-vjeçarja u shfaq me një këmishë me jakë të bardhë, pantallona të zeza dhe nuanca të errëta.
Trump dhe Melania, të cilët u zhvendosën në Palm Beach, Florida pasi u larguan nga Shtëpia e Bardhë në fillim të vitit të kaluar, pritet të marrin pjesë në funeralin dhe shërbimin përkujtimor të Ivanës më vonë këtë javë.
Ndërkohë kujtojmë se biznesmenja emigrante çeke, 73 vjeçe, e cila vdiq nga një rënie në shtëpinë e saj më 14 korrik, do të varroset të mërkurën pas një shërbimi në një kishë katolike romake.
