Këngëtarja e famshme, Madonna, është parë publikisht për herë të parë që nga viti 2008 në shoqërinë e ish-bashkëshortit të saj, Guy Ritchie, dhe djalit të tyre, Rocco.
“Daily Mail” shkruan se treshja mori pjesë së bashku në hapjen e ekspozitës më të fundit artistike të Rocco-s, e mbajtur në lagjen Soho.
25-vjeçari, i cili më parë përdorte pseudonimin artistik “Rhed”, prezantoi ekspozitën e titulluar “Talk Is Cheap”. Ai ka ndërtuar karrierën e tij në art duke u distancuar fillimisht nga emri i famshëm i prindërve, por së fundmi ka vendosur të përdorë emrin e tij të vërtetë.
Gjatë eventit, Madonna dhe Guy Ritchie u panë duke biseduar me djalin e tyre në një atmosferë të qetë dhe të ngrohtë, një pamje që sugjeron se tensionet e së kaluarës mes ish-çiftit janë zbutur. Kujtojmë se ata kanë pasur një betejë të ashpër ligjore për kujdestarinë e Rocco-s.
Madonna, 67 vjeçe, u shfaq elegante me flokë bjonde platini dhe një veshje vintage nga Versace, ndërsa Guy Ritchie, 55 vjeç, dukej në formë dhe i relaksuar.
Beteja për kujdestarinë, e cila u bë publike në vitin 2016, përfundoi me vendimin e Rocco-s për të jetuar me të atin në Britani, duke refuzuar edhe urdhrin e gjykatës për të kaluar Krishtlindjet me Madonnën në Shtetet e Bashkuara të Amerikës.
