Pasi bëri një pushim të shkurtër në rrjetet sociale në fund të shkurtit, në mes të thashethemeve për mosmarrëveshjen e saj të supozuar me Hailey Bieber, Selena Gomez postoi një mesazh urgjent në InstaStory-n e saj në Instagram pak orë më parë duke iu lutur fansave të qetësojnë situatën dhe të bëjnë kujdes.

Thirrja e saj nisi me lajmin se Hailey e cila është e martuar me Justin Bieber, kohët e fundit kishte kontaktuar me yllin e “Only Murders in the Building” për t’i bërë të ditur se ajo kishte marrë kërcënime me vdekje dhe “negativitet urrejtës.”

“Kjo nuk është ajo që unë mbroj,” tha Gomez pa mëdyshje.

Askush nuk duhet të përjetojë urrejtje ose ngacmim. Unë gjithmonë kam mbrojtur mirësinë dhe me të vërtetë dua që e gjithë kjo të ndalet.

Pas disa orëve të publikimit të kësaj deklarate, edhe Hailey Bieber ka vendosur të flasë dhe të japë mendimin e saj pas gjithë këtyre sulmeve të përjetuara gjatë viteve, e cila ka thënë si më poshtë:

Dua të falënderoj Selenën që foli, pasi ajo dhe unë kemi diskutuar javët e fundit se si të kalojmë këtë tregim të vazhdueshëm mes saj dhe meje. Javët e fundit kanë qenë shumë të vështira për të gjithë të përfshirët dhe miliona njerëz po shohin kaq shumë urrejtje rreth kësaj që është jashtëzakonisht e dëmshme. Ndërsa mediat sociale janë një mënyrë e pabesueshme për t’u lidhur dhe ndërtuar komunitetin, momente si ky vetëm krijojnë ndarje ekstreme në vend që të bashkojnë njerëzit. Gjërat gjithmonë mund të nxirren jashtë kontekstit ose të interpretohen ndryshe nga sa ishin menduar. Ne të gjithë duhet të jemi më të kujdesshëm për atë që postojmë dhe çfarë themi, duke përfshirë edhe mua. Në fund, besoj se dashuria do të jetë gjithmonë më e madhe se urrejtja dhe negativiteti, dhe ka gjithmonë një mundësi për t’u takuar me njëri-tjetrin me më shumë ndjeshmëri dhe dhembshuri.