Gazetarja e njohur dhe njëkohësisht ish-banorja e “Big Brother VIP 4”, Valbona Mhilli, ka bërë së fundmi një bashkëbisedim me ndjekësit e saj në “Instagram”.
Fansat kanë qenë kuriozë të dinë sa më shumë detaje për jetën dhe projektet e saj. Por gjithashtu nuk kanë munguar as pyetjet në lidhje me ish-banorët e shtëpisë më të famshme në Shqipëri.
Pak kohë më parë, Valbona zbuloi se është duke përgatitur diçka me Joz Markun, pa treguar shumë detaje. E një ndjekës e ka pyetur pikërisht rreth këtij projekti:
“Ke thënë se po vjen diçka me Jozin, kur?”.
Valbona ka vendosur që t’i kthejë përgjigje, por sërish pa zbuluar shumë detaje. Ish-banorja e edicionit të katërt të reality show-t tha se ‘diçka po zihet’ dhe shtoi se do të jetë ‘wow’.
“Diçka po zihet… por s’po them asgjë më shumë tani. Di vetëm të them se do jetë wow”, shkruan Valbona në postimin e saj në “Instastory”.
Kujtojmë se raporti i Valbonës dhe Jozit është komentuar shumë gjatë qëndrimit të tyre në shtëpinë e “Big Brother VIP”, por edhe pas përfundimit të reality show-t.
