Këngëtarja e famshme, Katy Perry, ka befasuar një fans gjatë performancës së saj në turneun botëror, “Lifetimes”. Ajo i bëri thirrje fansit që të mos i shkruante më bashkëshortit të saj.  

Katy ishte në humor të shkëlqyer dhe gjatë një shfaqjeje në Nevada, vendosi të bënte një shaka në mes të një kënge.

Gjatë performancës së “I’m His, He’s Mine” nga albumi i vitit 2024, Perry eci deri në skaj të skenës dhe teksa pa fansin, iu drejtua drejtpërdrejt me një mesazh të qartë.

“E di pse je këtu. Dëgjo, nëse vazhdon t’i dërgosh mesazhe burrit tim… E ke bërë këtë për muaj të tërë, që kur unë kam performuar këtu. Nuk erdhe këtu për mua. Nëse vazhdon t’i dërgosh mesazhe burrit tim, do të të nxjerrim jashtë. Shiko jetën tënde”, tha këngëtarja e famshme.

Artistja e ndau regjistrimin në rrjetin social X dhe më vonë shpjegoi se gjithçka filloi sepse ai donte që ajo të këndonte një nga këngët e tij të preferuara dhe për këtë i duhej ndihma e Orlandos, partnerit të këngëtares.

Kujtojmë që, Katy Perry dhe Orlando Bloom u takuan në vitin 2016 në një festë pas ndarjes së çmimeve ‘Golden Globes’.

Ata u ndanë për pak kohë në vitin 2017, dhe një vit më vonë u ribashkuan dhe u fejuan në Ditën e Shën Valentinit 2019. Në gusht të vitit 2020, ata mirëpritën vajzën e tyre, Daisy Dove.