Kim Kardashian dhe nëna e saj Kris Jenner kanë vendosur të padisin ish-të dashurin e yllit të reality show-t, Ray J, për shpifje, pasi ai pretendoi se familja e famshme ishte nën hetim federal. Mamaja e saj dhe vetë Kardashian, e cila ishte përfshirë edhe në një video seksi famëkeqe me muzikantin, gjatë romancës së tyre të shkurtër në vitin 2007, pretendojnë në padinë e siguruar nga ‘Daily Mail’ se Ray J është ‘angazhuar në një fushatë të vazhdueshme ngacmimi dhe shpifjeje’ kundër tyre për ‘më shumë se dy dekada’.
Padia vjen disa ditë pasi Ray J tronditi fansat duke pretenduar se kishte punuar me qeverinë federale për të ndërtuar një padi RICO [Akti për Organizatat e Ndikuara nga Zhvatësit dhe të Korruptuara] kundër Kardashian dhe Jenner. Gjatë një transmetimi të kohëve të fundit live që është bërë viral, ai tha se ‘do të thotë shumë gjëra’, por nuk dha detaje se çfarë pretendon se kanë bërë ish-e dashura e tij dhe familja e saj. Në klipin që qarkullon në rrjetet sociale, ai akuzoi ish-të dashurën e tij për konspiracion me zhvatje, duke thënë:
Akti federal RICO [Akti për Organizatat e Ndikuara nga Zhvatësit dhe të Korruptuara] që do të vendos mbi Krisin dhe Kim do të çmendet. Po flas për mua, jam në lajme çdo ditë. Do të them shumë budallallëqe. Kushdo që është dakord me Kim-in, duhet t’i thotë tani se po vijnë agjentët federalë. Nuk kam çfarë të bëj unë për këtë.
Padia Kardashian-Jenner, e ngritur të mërkurën, pretendon se Ray J nuk ishte në gjendje të pranonte fundin e marrëdhënies së tij të shkurtër me Kardashian më shumë se njëzet vjet më parë… dhe është përpjekur vazhdimisht të lidhet me emrat e paditësve dhe të shfrytëzojë famën e tyre për përfitime personale.
Alex Spiro, avokati i Kardashian dhe Jenner, i tha Daily Mail se:
Kris Jenner dhe Kim Kardashian nuk kanë ngritur kurrë më parë një padi për shpifje dhe as nuk janë shpërqendruar nga zhurma, por kjo akuzë e rreme dhe serioze nuk la zgjidhje tjetër.