Ylli televiziv, Khloe Kardashian, ka qenë e lumtur me jetën e saj së fundmi dhe nuk ka në plan ta ndryshojë mënyrën e saj të jetesës për një kohë të gjatë.
Sipas “Us Weekly” personazhi i “Kardashians” ka qenë beqare tre vitet e fundit dhe nuk ka ndërmend të angazhohet në të ardhmen e afërt. Këtë e ka pohuar vetë Khloe në podkastin “Wonder Land”:
“Jam shumë e lumtur me vendin ku jam tani. Unë nuk mendoj se jam gati të njoh dikë tani”.
Madje ajo shtoi me humor se as që mund ta imagjinojë të ndajë shtratin e saj me dikë tjetër, e lëre më shtëpinë e saj.
Kardashian po ashtu ka theksuar se nuk dëshiron të shkëputet nga përditshmëria dhe obligimet. Megjithatë, ajo vetë e pranoi se ndoshta ka një arsye më të thellë për vendimin e saj për të mos rregulluar ende jetën e saj personale.
“Nuk e di nëse i besoj më vetes si më parë, i kam vënë në dyshim zgjedhjet e mia. Llogaria ime nuk ishte e mirë, në një mënyrë mjaft të trazuar dhe traumatike. Ajo është shembur dhe ka arritur kufijtë e saj. Çfarë nuk pashë? Kishte shumë flamuj të kuq në prapavijë. Në atë kohë, gjithçka më dukej e gjelbër”, u shpreh ajo.
Pavarësisht ndarjeve të dhimbshme, Khloe Kardashian ka thënë se mbetet një mbështetëse e fortë e martesës dhe shpreson të ketë mashkullin perfekt në të ardhmen.
“Unë e dua dashurinë. Ajo ndjenjë e të qenit i dashuruar mendoj se është gjëja më e bukur dhe njerëzit habiten gjithmonë kur them se sa shumë besoj në dashuri dhe se e di që një ditë do të martohem sërish dhe do të kem ‘fundin tim të lumtur”, ka thënë Kardashian.
