Aktorja e famshme, Gwyneth Paltrow, ka bërë një rrëfim të sinqertë në podkastin “Friends Keep Secrets”. Ajo është kthyer pas në kohë për të kujtuar historinë e saj të dashurisë me aktorin e famshëm, Brad Pitt.

Lidhja e tyre nisi gjatë xhirimeve të filmit “Se7en” në vitin 1994, u kurorëzua me fejesë dy vite më vonë, por përfundoi në vitin 1997.

53-vjeçarja pranoi se ndarja nga ylli i Hollywood-it i shkaktoi shumë dhimbje, veçanërisht për shkak të moshës së re, distancës gjeografike nga puna dhe presionit mbytës të mediave.

Actor Brad Pitt and his girlfriend Gwyneth Paltrow. It has been reported that the couple have become engaged. Pitt, who has proposed three times before, won Paltrows heart by serenading her on the guitar on the set of the film ‘Seven’.

Sipas Paltrow, vëmendja publike i shtoi një peshë të panevojshme kësaj periudhe, duke i krijuar ndjenjën e turpit për dështimin e lidhjes. Megjithatë, ajo e përshkroi njohjen me 63-vjeçarin si “dashuri me shikim të parë” dhe ruajti fjalët më të mira për të, duke u shprehur se e ruan ende një dashuri dhe respekt të madh për të si mik.

Gwyneth tregoi se kjo ishte romanca e saj e parë me vëmendje të jashtëzakonshme mediatike, gjë që e bëri të vështirë përballimin e famës së menjëhershme.

Sot, e martuar me Brad Falchuk, ajo thekson se nuk ka keqardhje për të kaluarën. Gjatë bisedës, aktorja përmendi edhe marrëdhënien e saj të shkëlqyer me ish-bashkëshortin Chris Martin, me të cilin gëzon raporte tejet miqësore për rritjen e dy fëmijëve të tyre, Apple dhe Moses.