Një moment i veçantë dhe plot emocione ka ndodhur gjatë puntatës së fundit të “She’s On Top”, ku Mateo Borri ka surprizuar partneren e tij, Brikena Selmani, me një dedikim romantik.
Brikena u befasua kur mori një buqetë të madhe me trëndafila të kuq, së bashku me një kartolinë ku shkruhej: “Për bionden që më ka vjedhur zemrën”.
Gjestit të Mateos iu bashkuan emocionet e çiftit, të cilët shkëmbyen përqafime dhe puthje para kamerave, duke krijuar një atmosferë të ngrohtë në studio.
Surpriza u prit me duartrokitje dhe buzëqeshje nga të pranishmit, ndërsa Brikena falënderoi partnerin për këtë moment të veçantë.
Historia e dashurisë mes tyre nisi në edicionin e pestë të “Big Brother VIP Albania” dhe vazhdon edhe jashtë shtëpisë së famshme në Shqipëri, duke tërhequr vëmendjen e ndjekësve.
