Këngëtarja shqiptare me famë botërore, Rita Ora, ka emocionuar ndjekësit në rrjetet sociale me një urim të veçantë për gjyshen e saj, Besën.
Në InstaStory, Rita publikoi një foto të gjyshes, të cilën e shoqëroi me një mbishkrim të shkurtër, por shumë domethënës në shqip:
Urime ditëlindjen nanë
Besa, nga ana e babait të këngëtares, është bashkëshortja e regjisorit të njohur shqiptar Besim Sahatçiu, një prej emrave më të rëndësishëm të teatrit dhe kinemasë në Ballkan.
Përveç urimit për gjyshen, Rita ndau edhe një foto të babait të saj, Besnikut, duke shprehur një urim të përzemërt për të gjithë shqiptarët me rastin e festës së 28 Nëntorit, duke nënvizuar edhe një herë krenarinë për origjinën e saj.
Me këto postime, Rita Ora dëshmon sërish lidhjen e fortë me familjen dhe rrënjët shqiptare, duke mbetur një nga figurat më të dashura për publikun, jo vetëm për suksesin ndërkombëtar, por edhe për mënyrën se si nderon traditën dhe identitetin e saj.