Ditën e djeshme, 4 finalistët e “Big Brother Radio” janë intervistuar ekskluzivisht nga moderatoret e Top Albania Radio, Elona Duro dhe Jonida Aliçkolli.
Nëse jeni kuriozë se çfarë kanë thënë ata, na lejoni t’ju zbulojmë disa nga të pathënat e Rozana Radit, e cila ndodhej përballë Elona Duros.
Një intervistë shumë interesante dhe me nota humori. Në fillim të bisedës Rozana u emocionua nga një përshkrim i bërë prej Elonës, duke shprehur se ajo ka mundur t’i lexojë shpirtin.
Pa humbur shumë kohë, Elona nisi menjëherë me pyetjet pikante, ku Rozana shprehu mendimin e saj rreth lojës së banorëve të tjerë, si dhe të vërtetat e saj në shtëpinë e “Big Brother”.
Pjesë nga intervista:
A ishte e vërtetë ajo aleanca e divanit blu apo rastësi kjo finale?
Ju keni parë më tepër seç ne shohim, ndërkohë që unë jam në dhomë ju nuk shihni kuzhinën… Nuk ka pyetje injorante ka përgjigje injorante. Dy lojëra janë, mua më ka kërkuar Gjesti të gënjej që njihesha unë me Gertën dhe ajo me Livian dhe Laertin… Nëse do të bëja strategji me të gjithë ata që kanë dalë, i bie të kisha dalë deri më tani, siç doli divani i kuq
Kujtojmë se më parë, në një intervistë para disa javësh në shtëpinë e “Big Brother” Rozana pohoi se dy personat me të cilët nuk do të mbante shoqëri jashtë, janë Gerta dhe Egli. Ajo është pyetur nga Elona nëse ky mendim ka ndryshuar apo vijon të mendojë njësoj.
I qëndroj të njëjtit mendim. Egli më ka mërzitur shumë, i jam dhënë all-in Eglit… Ke dashur të tregohesh e fortë dhe ke thënë që do të rrish me të, e nëse ky djali ka të dashur jashtë… Egli duhet t’i thoshte vajzave që mos dashuroni njerëz që nuk ju duan. Gjesti nuk e ka dashur asnjëherë Eglin, ka dashur të pastrojë imazhin e tij për mënyrën se si u soll me Eglin. Sot gjithçka po bëhet për biznes, kur të dalim atje jashtë le të fitojmë dhe nga historitë e shpirtit.
A do jetë një lidhje normale në çift?
Nuk mendoj që do të jetë një lidhje normale në çift, është një djalë i cili e vetmja gjë që ka bërë la qenë denigrimi i Eglit dhe momentin e parë që erdhi i tha ‘ti do të më ulësh jashtë…’ Kemi parë duke i thënë ‘nuk jam i sigurt’. Gjesti mendon se duke luajtur këtë djalin e mirë dhe të dashur, mendon se ka arritur për të pastruar imazhin e tij jashtë, perde nuk mund t’i vesh publikut.
