Dua Lipa mahniti me paraqitjen e saj gjatë dasmës përrallore me Callum Turner në Itali, por forma e saj fizike nuk është rezultat i rastësisë.
Pas pamjes së saj të kuruar deri në detaj qëndron një regjim i disiplinuar stërvitjeje dhe ushqimi, të cilit këngëtarja 30-vjeçare i përmbahet gjatë gjithë vitit.
Sipas raportimeve të mediave të huaja, Dua nuk i ndërpreu stërvitjet as gjatë ditëve të ngarkuara të dasmës. Ajo u pa duke vizituar palestrën së bashku me partnerin e saj vetëm pak para nisjes së festimeve, duke treguar përkushtimin e saj ndaj një stili jetese aktiv.
Rutina e artistes përfshin kombinimin e ushtrimeve kardio me stërvitje për forcimin e muskujve, vrap dhe seanca Pilates. Ajo ka treguar më herët se preferon stërvitje të shkurtra, por intensive, të cilat e ndihmojnë të ruajë energjinë dhe formën fizike pavarësisht angazhimeve të shumta profesionale.
Ushqimi gjithashtu luan një rol kyç në përditshmërinë e saj. Dieta e Duas fokusohet kryesisht te proteinat, peshku, mishi i pulës, vezët, frutat dhe perimet e freskëta. Ndërkohë, ajo përpiqet të kufizojë konsumin e ushqimeve të përpunuara dhe produkteve të rënda.
Por sekreti i saj nuk lidhet vetëm me palestrën dhe dietën. Këngëtarja i kushton rëndësi të veçantë edhe gjumit cilësor, rikuperimit fizik dhe aktiviteteve relaksuese si joga, të cilat e ndihmojnë të ruajë ekuilibrin mes trupit dhe mendjes.
Sipas Duas, kujdesi për shëndetin fizik dhe emocional është thelbësor për të përballuar ritmin intensiv të jetës artistike dhe për t’u ndier mirë çdo ditë.
Rezultati? Një paraqitje që tërhoqi vëmendjen në dasmën e saj luksoze në Siçili dhe që bëri fansat të pyesin se cili është sekreti i formës së saj perfekte.