Spektakli më i madh i humorit në historinë e skenave dhe televizioneve shqiptare rikthehet me sezonin e 45 për më shumë të qeshura.
Mbi 1000 shfaqe ndër dhjetëra vite dhe mijëra e mijëra orë, mbushur me të qeshura dhe duartrokitje, sezoni i 45-të ka risjellë simbolikën e madhe të semaforit ngjyrë portokalli, i cili prej vitesh na mban në dilemën e ndalimit apo të ecjes përpara.
Duke trajtuar problematike aktuale të shoqërisë, me batuta dhe ironi të hollë, spektakli i humorit përball me njëri-tjetrin njerëz që ndajnë hallet e përditshmërisë. Aktorëve më të shquar të humorit shqiptar do t’ju bashkohen emra dhe personazhe të rinj, që me batutat dhe historitë e tyre, do të bëhen pjesë gazmore e gjithë familja shqiptare këtu dhe kudo ndodhen nëpër botë. Në skenën dhe ekranin e Top Channel ndodh e qeshura!
Përpara pak çastesh faqja zyrtare e “Portokalli” në Instagram ka konfirmuar se në shfaqjen e kësaj jave do të jetë e pranishme moderatorja dhe aktorja e njohur, Rudina Dembacaj. Nxitoni të blini biletat në studiot e Top Media Kashar ose Arena Center dhe online në tickets.top-media.al për shfaqjen e parë të këtij sezoni, më 25 shkurt, ora 19:00 në studiot e Top Channel, Kashar.
