Ish-banorja e “Big Brother VIP 4”, Valbona Mhilli, ka vendosur që të bëjë një bashkëbisedim virtual me ndjekësit e saj në “Instagram”. Fansat kanë qenë mjaft kuriozë dhe i kanë bërë pyetje të ndryshme.
E sigurisht, nuk mund të mungonin pyetjet rreth ish-banorëve të shtëpisë më të famshme në Shqipëri, me të cilët Valbona pati rrugëtimin e saj në reality show.

“A ke kontakt me Gjestin? Si është? A ke biseduar me të?”, ishte një nga pyetjet që fansat i kanë bërë gazetares.
Valbona ka treguar se ka kontakt me fituesin e edicionit të katërt të “Big Brother VIP”, si dhe uroi që ai të rikthehet sa më shpejt me projektet e tij.
“Po! Uroj që shumë shpejt të rikthehet te të gjithë ju me projektet e tij!”, është përgjigjur Mhilli në një postim në “Instastory”.
Kujtojmë se Gjesti prej disa kohësh është larg vëmendjes së publikut, pasi i ndërroi jetë vëllai në një moshë shumë të re.

