Aktori i famshëm, Bruce Willis, po përballet prej kohësh me demencën frontotemporale (FTD). Lidhur me gjendjen e tij shëndetësore ka folur së fundmi e bija e 71-vjeçarit, Rumer Willis.
Ajo ka dhënë një intervistë ku ka treguar se kjo periudhë e vështirë ka sjellë një ndryshim të dukshëm në mënyrën se si ai shfaqet emocionalisht, duke nxjerrë në pah një anë më të butë të tij.
Duke folur për podkastin “The Inside Edit”, Rumer theksoi se pavarësisht sfidave të mëdha që familja po kalon, ndjen mirënjohje për çdo moment që arrin të kalojë pranë tij.
“Edhe pse tani është ndryshe, jam jashtëzakonisht mirënjohëse. Është shfaqur një butësi. Gjithmonë ka pasur këtë lloj maço, dhe tani ekziston kjo… brishtësia nuk është fjala e duhur, por thjesht një butësi që, si Bruce Willis, mund të mos ishe në gjendje ta lejoje veten në një farë mënyre”, u shpreh ajo.
Rumer gjithashtu tregoi se para diagnozës së demencës frontotemporale nuk e kishte kuptuar sa e përhapur ishte kjo sëmundje neurologjike.
“Është e pabesueshme për mua. Kaq shumë njerëz vijnë tek unë tani dhe thonë: ‘Xhaxhai im kishte FTD. Babai im e kishte këtë’”, tha vajza e aktorit të famshëm.
Rumer është fëmija më i madh i Bruce Willis, 71 vjeç, dhe ish-bashkëshortes së tij, Demi Moore. Rumer ka një vajzë, Louetta, të lindur në vitin 2018 me partnerin e saj, Derek Richard Thomas.
