Gjithçka që bën Georgina Rodriguez komentohet, për mirë apo për keq. Partnerja e Cristiano Ronaldos është gjithmonë në qendër të vëmendjes mediatike. Kjo nuk ka ndryshuar pavarësisht se ajo ka shkuar të jetojë në Arabinë Saudite, ku luan portugezi. Ka qenë një ndryshim rrënjësor për të dhe familjen e saj, por duket se po përshtatet pak nga pak, siç tregon edhe në llogaritë e saj në rrjetet sociale.

Në Instagram, influencuesja numëron 47 milionë ndjekës dhe postimet e saj janë shumë të komentuara. Në një nga të fundit që ka ngarkuar, duket se u dërgon një mesazh të gjithë atyre që e kritikojnë. Ajo u tregon të gjithëve projektet që i është përkushtuar, si ambasadore e disa markave të veshjeve dhe bizhuterive. Ajo punon edhe si modele.

Shumë përdorues pretendojnë se ajo i detyrohet Cristianos gjithçka që ka. Këto komente nuk i shkojnë mirë Georginës dhe për këtë ka dashur t’u dërgojë një mesazh të gjithë atyre që mendojnë kështu për të.

Dhe në rrëfimin e saj të fundit ajo ka postuar një foto ku shihet duke ecur me një çantë dhe një kafe në dorë, në atë që duket si një ditë pune. Këtë imazh ajo e ka shoqëruar me shkrimin:

Një ditë tjetër e mrekullueshme në punë, që më vonë të mos thonë se gratë e pasura nuk punojnë.