Ekipi i mediave sociale të Shtëpisë së Bardhë është në telashe me një nga yjet më të mëdhenj të muzikës pop në botë, Sabrina Carpenter. E shkak është bërë kënga “Juno” që e përdori në një video që tregon forcat e ligjit duke arrestuar individë në veprime të dukshme kundër imigracionit.
Menjëherë ka reaguar këngëtarja dhe kompozitorja fituese e çmimit Grammy, e cila e quajti videon “të keqe dhe të neveritshme”.
“Mos më përfshi kurrë mua ose muzikën time për të përfituar nga axhenda jote çnjerëzore,” shkroi Carpenter në rrjetin social X.
Gjatë turneut, Carpenter bën “arrestimet” e saj gjatë këngës “Juno” me personazhe të famshëm që marrin pjesë në shfaqjet e saj, duke kaluar mbi të një palë pranga rozë me gëzof.
Duke dyfishuar intensitetin, Shtëpia e Bardhë përdori tekstet e këngëve të Carpenter në një deklaratë duke iu përgjigjur kritikave të saj.
“Ja një mesazh i shkurtër dhe i ëmbël për Sabrina Carpenter: ne nuk do të kërkojmë falje për deportimin e kriminelëve të rrezikshëm, vrasësve të paligjshëm, përdhunuesve dhe pedofilëve nga vendi ynë. Kushdo që do të mbronte këta përbindësha të sëmurë duhet të jetë budalla, apo është e ngadaltë?”, tha zëdhënësja e Shtëpisë së Bardhë, Abigail Jackson, në një deklaratë.
Kjo nuk është hera e parë që Shtëpia e Bardhë e Trumpit ka përdorur këngët e artistëve pa pëlqimin e tyre, shpesh duke përdorur një ton joserioz në mediat sociale me meme dhe video.
