Julia Fox ka zbuluar se identifikohet si panseksuale. Aktorja 35-vjeçare u identifikua publikisht si lezbike një vit më parë dhe tani ajo ka dhënë një përditësim në lidhje me këtë. “Unë jam panseksuale. Mund të tërhiqem nga kushdo dhe nga çdo gjë”, tha ajo për revistën Allure.
“Nëse do të ishte vetëm aspekti fizik, unë jam më e tërhequr nga trupi i një gruaje. Nuk më pëlqejnë burrat fizikisht, por mund të tërhiqem nga mendja e një burri. Jam një person që i pëlqen energjia”, shpjegoi ajo.
Julia, e cila më parë ishte në një lidhje me Kanye West, thotë se nuk i mungojnë aspak marrëdhëniet me burrat.
“Nuk e kuptoj pse një burrë do të më ishte i dobishëm në situatën time aktuale të jetës. Jam plotësisht e përqendruar në të qenit një nënë e mirë, duke sjellë para në shtëpi dhe duke i bërë ëndrrat e mia realitet. Ka shumë më tepër që mund të bësh me kohën tënde sesa të presësh për të parë nëse i dashuri yt do të të kthejë mesazh apo jo”, tha ajo.
Panseksualiteti është një orientim i karakterizuar nga tërheqja seksuale, emocionale dhe shpirtërore ndaj njerëzve pavarësisht nga gjinia ose identiteti i tyre gjinor.