Biznesmeni i njohur nga Zimbabveja, Wicknell Chivayo, dhe bashkëshortja e tij, Lucy Muteke, kanë humbur jetën pas rr*zimit të një helikopteri pranë qytetit Marondera, në lindje të kryeqytetit Harare. Helikopteri u rrëzua mbrëmjen e 30 shtatorit, pak kohë pasi ishte ngritur në fluturim. Përplasja shkaktoi derdhje karburanti dhe një zjarr në zonën ku ra mjeti ajror.
Fillimisht, policia e Zimbabvesë raportoi se në bord ndodheshin gjashtë persona. Megjithatë, autoritetet e korrigjuan më vonë këtë informacion, duke bërë të ditur se në helikopter ishin pesë persona dhe se të gjithë humbën jetën.
Përveç Chivayos dhe bashkëshortes së tij, mes viktimave ishin një ndihmëse e Lucy Chivayos dhe dy pilotët e helikopterit. Shkaku i aksidentit nuk është përcaktuar ende dhe po hetohet nga autoritetet e aviacionit. Chivayo ishte një prej biznesmenëve më të njohur në Zimbabve, aktiv kryesisht në sektorët e energjisë dhe infrastrukturës. Ai ishte i njohur gjithashtu për stilin luksoz të jetesës dhe lidhjet e tij me figura të larta politike në Afrikë. Presidenti i Zimbabvesë, Emmerson Mnangagwa, konfirmoi publikisht vdekjen e tij.