Belen Rodriguez ka reaguar publikisht në rrjetet sociale për të sqaruar rreth shëndetit të saj. Shkak u bënë reagimet e shumta të fansave të saj, të cilët vunë në dukje vështirësitë e saj në skenë gjatë një eventi të “Vanity Fair”.
Në një video të postuar në rrjetet e saj sociale, Belen shpjegoi se kishte pasur një ‘atak paniku mjaft kompleks’ dhe para intervistës kishte marrë tre qetësues kundër dhimbjes.
Rodriguez foli hapur në rrjetet e saj sociale për eventin e fundit të organizuar nga “Vanity Fair” ku ajo dukej se po luftonte në skenë.
“Gjithmonë kam thënë se kam vuajtur nga sulmet e panikut dhe depresioni që kam përjetuar. Ju siguroj, nuk është jeta. Natën tjetër, para intervistës, isha pa fëmijët dhe ndërsa flija pata një sulm paniku mjaft serioz . Mora një qetësues për t’u ndjerë më mirë, pastaj mora një të dytë dhe një të tretë”, shpjegoi showgirl-i.
Belen trajtoi disa tema gjatë intervistës në eventin e organizuar nga “Vanity Fair”, përfshirë marrëdhënien e vështirë me Stefano De Martinon dhe shprehjen “I rraha të gjithë ish-të dashurit e mi” që kishte shkaktuar polemika midis shikuesve.
