Lajmi për ndarjen nga jeta e këngëtarit të njohur, Shpat Kasapi, i tronditi të gjithë një ditë më parë. Fansat, miqtë, familjarët dhe kolegët e tij reaguan në rrjetet sociale, duke shprehur ngushëllimet për këtë humbje të madhe.
Mes reagimeve ishte edhe ai i këngëtares, Adelina Tahiri, e cila publikoi dedikime të ndjera për artistin e ndjerë. Ajo shkroi se dhimbjen për Shpatin do ta mbajë gjithmonë në zemër, duke e kujtuar me mall dhe respekt.
Megjithëse nderoi mikun e saj me postime prekëse, këngëtarja u gjend në qendër të kritikave pasi publikoi edhe një fotografi nga një darkë në “Instastory”. Disa ndjekës e akuzuan se po tregonte mungesë respekti në ditën e vdekjes së Shpatit.
E vënë nën presion dhe komenteve, Adelina Tahiri reagoi publikisht me dy video në “Instastory”. Në përgjigjen e saj, ajo dënoi gjykimet e ndjekësve dhe foli hapur për fenomenin e hipokrizisë.
Këngëtarja theksoi se shoqëria shpesh i nderon njerëzit vetëm pasi vdesin, ndërsa kur janë gjallë dhe kanë nevojë për mbështetje, ata anashkalohen dhe harrohen. Këngëtarja la të kuptohet se respekti dhe vlerësimi duhet të jenë të sinqerta dhe të tregohen në kohën e duhur, jo vetëm pas humbjes.
Shpat Kasapi ka ndërruar jetë në moshën 40-vjeçare dhe thuhet se ka pësuar një atak kardiak gjatë qëndrimit të tij në Itali.
Shpat Kasapi ka qenë një nga emrat më të njohur dhe më të dashur të skenës muzikore shqiptare. I lindur më 1 maj 1985 në Tetovë, ai u rrit në një familje me traditë muzikore. Karriera e tij nisi në fillim të viteve 2000, ku shumë shpejt u bë një prej idhujve të rinisë me stilin e tij modern, meloditë e lehta dhe performancat energjike.
