Ylli francez, Brigitte Bardot është duke u shëruar pas lajmit për shtrimin e saj të fundit në spital për shkak të një problemi shëndetësor. Në një deklaratë të fundit nga Fondacioni Bardot, 91-vjeçarja u përpoq t’i siguronte fansat e saj në lidhje me “raportet e rreme” që kanë qarkulluar ditët e fundit në lidhje me shëndetin e saj.
Deklarata vjen pas raportimeve të fundit se Brigitte Bardot ishte shtruar përsëri në spital në Saint-Jean në Toulon. Aktivistja ishte shtruar më parë në spital në tetor, kur edhe iu nënshtrua një ndërhyrjeje të vogël kirurgjikale, siç njoftoi zyra e saj në atë kohë.
Në njoftimin e publikuar në Instagram, thuhet:
Në përgjigje të përhapjes së lajmeve të rreme ditët e fundit, Brigitte Bardot dëshiron t’u kujtojë të gjithëve se aktualisht po shërohet dhe se do ta vlerësonte nëse bota do të respektonte privatësinë e saj e iu bën thirrje të gjithëve, të qetësohen. Bardot dëshiron t’i qetësojë ata që janë vërtet të shqetësuar për të dhe u dërgon atyre këtë mesazh: Ju dërgoj dashurinë time të gjithëve!
Në tetor, Bardot u detyrua të mohonte thashethemet në internet se kishte ndërruar jetë pas përhapjes së një raportimi të rremë. Në një postim në X, pati shkruar:
Jam mirë. Nuk e di se cili idiot e filloi këtë lajm të rremë për zhdukjen time sonte, por dijeni që jam mirë dhe nuk kam ndërmend të largohem nga kjo jetë. Edhe pse mjekët e saj nuk kanë publikuar detaje rreth shëndetit të saj, media franceze raporton se aktorja mbetet në gjendje të qëndrueshme dhe është nën mbikëqyrje të vazhdueshme mjekësore.
