Një ngjarje tragjike ka tronditur Almondburyn në West Yorkshire, ku një nënë 33-vjeçare e gjashtë fëmijëve ka humbur jetën vetëm pak ditë para Krishtlindjeve, pasi u sulmua rëndë në banesën e saj. Gruaja u dërgua me urgjencë në spital me dëmtime serioze në kokë, por nuk arriti t’u mbijetojë plagëve dhe ndërroi jetë dy ditë më vonë.
Komuniteti lokal është mobilizuar menjëherë për të mbështetur gjashtë fëmijët e mbetur jetimë, ndërsa është hapur edhe një fushatë për të ndihmuar familjen me shpenzimet e varrimit dhe kujdesin financiar për fëmijët në ditët e vështira që i presin.
Autoritetet e West Yorkshire Police kanë konfirmuar se kanë nisur një hetim për vrasje lidhur me ngjarjen. Një 34-vjeçar është arrestuar dhe akuzuar fillimisht për plagosje të rëndë, vepër që dyshohet se është kryer përpara vdekjes së viktimës.