Thashethemet se Cristiano Ronaldos dhe Georgina Rodriguez po kalojnë një krizë në marrëdhënien e tyre duket se po marrin fund pasi çifti ndau disa foto ku kanë pozuar të gjithë bashkë si familje, teksa kanë vizituar disa nga pamjet që Riadi ka për të ofruar.

Cristiano Ronaldo nënshkroi me Al Nassr një kontratë prej 400 milionë dollarësh, por, për shkak të pezullimit me dy ndeshje nga Premierliga, ai nuk ka mundur të debutojë deri më tani në Ligën e Arabisë Saudite. Kjo do të thotë se paraqitja e tij e parë në Arabinë Saudite do të vijë të enjten në miqësoren kundër PSG-së .

Jeta luksoze që Ronaldo do të ketë në Arabinë Saudite është e qartë, pasi ai do të jetojë në një nga lagjet më të shtrenjta të Riadit.

Megjithatë, ai duhej të ishte i sigurt se lumturinë do ta ndjente çdo pjesëtar i familjes dhe me fotot e fundit duket se ai dhe Georgina po shijojnë kohën së bashku në Lindjen e Mesme.

“Kohë e vyer me dashuritë e mia”, ka postuar Cristiano në llogarinë e tij në Twitter së bashku me dy foto, ku njëra tregon të gjithë familjen në një varkë me një liqen në sfond dhe disa ndërtesa në qytet.

Në tjetrën, në atë që duket si një akuarium, Georgina përqafon futbollistin, i cili buzëqesh para kamerës.