Këngëtarja e famshme me origjinë shqiptare, Dua Lipa, ka festuar një ditë më parë 25-vjetorin e lindjes. Në ditën e saj të veçantë, ajo ka marrë urime të shumta nga fansat, familjarët dhe miqtë.
Urimi që tërhoqi vëmendjen e të gjithëve ishte ai i fashionistes italiane, Chiara Ferragni, e cila njihet për marrëdhënien e mirë me vajzën e ditëlindjes.
Kujtojmë se shpeshherë ato i kemi parë së bashku në evenimente të ndryshme apo tek shoqërohen në festa, teksa nuk mungon as mbështetja që i falin njëra-tjetrës rreth projekteve të ndryshme.
Arsyeja se pse urimi i Chiara-s mori vëmendje është se ajo ka shkruar edhe shqip. “U bëfsh 100 vjeçe zemër!”, shkruan ndër të tjera ajo.
“Gëzuar ditëlindjen ëngjëll @dualipa Shpresoj të të shoh së shpejti U bëfsh 100 vjeçe zemër!””, është urimi i Ferragni-t për Dua-n.
Madje edhe në disa foto të publikuara nga këngëtarja e famshme me rastin e 25-vjetorit, ajo i ka komentuar shqip ku i shkruan: “Gezuar ditelindjeeeen Dua bukuroshe! ???”.
