Vajza e supermodeles Claudia Schiffer, Clementine, 21 vjeçe, u shfaq së fundmi mahnitëse. Vajza e yllit të modës, babai i së cilës është regjisori Sir Matthew Vaughn, shfaqi asetet e saj mahnitëse me një korse tërheqëse dhe një rrip të trashë lëkure në një festë kaubojsh. Ajo që është vënë re është ngjashmëria e frikshme me nënën e saj.
Claudia dhe Matthew, të cilët janë të martuar që nga viti 2002, janë gjithashtu prindër të Caspar, 22 vjeç dhe Cosima, 15 vjeç. Ata kanë jetuar në Coldham Hall, Stanningfield, Suffolk, në një banesë me vlerë 7.5 milionë paund, që nga viti 2002. Ndërsa jeta e Claudias ishte e mbushur me festa dhe pasarela gjatë viteve ’80 dhe ’90, gjërat ndryshuan në mënyrë dramatike kur ajo takoi Matthew.
“Para se të takoja Matthew, punoja pa pushim. Por sapo u bashkuam, papritmas, një botë krejt e re dukej se u hap… Prioritetet e mia u bënë krejtësisht të ndryshme. Mëmësia më bëri të ndieja se ‘kjo është ajo që unë përfaqësoj’.” Claudia Schiffer e filloi karrierën në moshën 17 vjeçare në një disko, nga ku filloi udhëtimin drejt pasarelave të botës. Ajo ka qenë pjesë e më shumë se e 700 kopertina revistash në karrierën e saj të gjatë, ndërsa bukuroshja gjermane kishte treguar në të kaluarën se nuk konsiderohej gjithmonë tërheqëse dhe ajo ishte shpesh objekt talljeje për shkak të pamjes së saj të jashtme.
