Partneri i Rihannës, ASAP Rocky, duket se e ka zbuluar aksidentalisht gjininë e fëmijës së tretë të tij dhe këngëtares së famshme. Gjatë premierës së filmit “Smurfs” në Belgjikë, reperi i njohur u pyet nga prezantuesi i “Entertainment Tonight” nëse fëmija që pret është vajzë.
Ai buzëqeshi dhe u përgjigj: “Po, vëlla, është”. Pastaj i tregoi kamerës një lodër Smurfette, personazhin që Rihanna luan në film, duke komentuar “këtu, këtu” dhe duke treguar kukullën, duke lënë të hapur mundësinë që po konfirmonte gjininë e foshnjës.
Ndërkohë artistja u shfaq gjithashtu në premierë, pranë të dashurit të saj, me barkun që dëshmonte për shtatzëninë e saj të avancuar.
Çifti njoftoi se presin fëmijën e tyre të tretë në maj të vitit 2025, në Met Gala, me një burim që i tha “People” se janë të emocionuar për zgjerimin e familjes së tyre.
Sipas burimit, Rihanna gjithmonë ka dashur të ketë shumë fëmijë, duke dashur që ata të jenë të afërt në moshë në mënyrë që të rriten bashkë.
