Aktori e komediani i njohur, Nick Cannon, ka zbuluar se ndihet i “thyer mendërisht dhe shpirtërisht”, një vit pas vdekjes së djalit të tij, Zenit.
Prezantuesi i “Wild ‘N Out” ka bërë një postim në “Instagram” të hënën ku shkruan:
“Isha duke u rrotulluar gjatë gjithë natës, mbrëmë nuk munda të flija fare. Nuk mund ta besoj se ka kaluar tashmë një vit që nga dita më e vështirë e jetës sime”.
42-vjeçari e përshkroi “përvjetorin e dhimbshëm”, duke shkruar:
“Humbja e një fëmije duhet të jetë përvoja më e rëndë, më e errët dhe depresive që nuk do t’i kapërcej kurrë. Një përzierje e fajit, dhimbjes dhe pikëllimit është ajo që më ndrydh çdo ditë.
Unë jam larg të qenit perfekt dhe shpesh dështoj dhe marr vendime në jetën time që shumë pyesin, por kushdo që më njeh e njeh zemrën time”.
“Unë doja fort, doja shumë dhe doja me gjithë zemrën dhe shpirtin tim që njeriu im i vogël të kishte ndjerë më shumë nga ajo dashuri ndërsa ishte këtu në Tokë.”
“ Vazhdo të prehesh në paqe djalin tim, Zen Scott Cannon,” përfundoi ai. “Ne të duam përjetësisht”
Ylli i “All That” dhe partnerja e tij, mirëpritën djalin e tyre në qershor të vitit 2021 dhe i vogli humbi betejën me kancerin e trurit në dhjetor.
