TikTokerët që ndihen të lodhur po presin feta patatesh të papjekura dhe i vendosin në çorapet e tyre dhe të fëmijëve të tyre para se të flenë. Teoria është se vendosja e një patateje të prerë kundër lëkurës mund të tërheqë toksinat dhe të ndihmojë në shërim. Disa njerëz mendojnë se zeza që shfaqet në patate më pas është shenjë se ka funksionuar.
Megjithatë, nuk ka asnjë provë shkencore që kjo metodë popullore mund të tërheqë bakteret, viruset ose papastërtitë nga trupi, thanë ekspertët. “Do të thoshte që virusi ose bakteri duhet të tërhiqej nga gjaku, përmes lëkurës dhe indeve dhe të hynte në patate. Kjo është një rrugë shumë e gjatë për një sëmundje ose toksinë”, tha Joanna Parga-Belinkie, zëdhënëse e Akademisë Amerikane të Pediatrisë.
Sa i përket ndryshimit të ngjyrës, patatet janë të pasura me hekur dhe niseshte dhe kur ekspozohen ndaj oksigjenit për një kohë, ndodh një reaksion kimik që errëson perimin dhe kjo ndodh edhe pa çorapë. Kur njerëzit thonë se ata ose fëmijët e tyre ndihen më mirë pas këtij trajtimi, mund të jetë për shkak të efektit placebo, një fenomen ku çdo lloj trajtimi edhe një pilulë sheqeri ose një trajtim simbolik shkakton përmirësim të simptomave.
