Këngëtarja e famshme me origjinë shqiptare, Bebe Rexha, ka ndarë së fundmi me 11.8 milionë ndjekësit e saj në “Instagram”, disa pamje mbresëlënëse nga Staten Island, Nju Jork.
Teksa po bënte një xhiro me makinë, artistja ka filmuar një rrugë të tërë të stolisur me një mori flamujsh kuq e zi me shqiponjën dykrenare, të cilët valviteshin krah flamujve amerikanë.
Këto pamje vijnë në prag të përvjetorit të Pavarësisë së Shqipërisë. Bebe Rexha, e cila asnjëherë nuk ka hezituar të flasë për rrënjët e saj shqiptare, duket se edhe këtë herë ka dashur të ndajë me publikun krenarinë që ndjen për origjinën e saj.
Flamuri kuq e zi nuk është i panjohur as për artistët e huaj me famë botërore.
Reperi i njohur Drake publikoi një vit më parë një këngë, ku shihej i veshur me një xhaketë të kuqe me shqiponjën dykrenare, simbol i flamurit shqiptar. Në të njëjtën këngë, ai madje përmend edhe Prishtinën”.
