Influencuesja e njohur, Mariana Vasiuc, ka pësuar një dëmtim në shpinë pasi u përpoq të bënte sfidën virale të Nicki Minaj me stileto që ka pushtuar “TikTok” javët e fundit.
Në një klip në “Instagram”, ajo mund të shihet duke ekuilibruar mbi një enë me formulë për foshnje, të vendosur sipër një tenxhereje, ndërsa mban veshur një palë taka të larta.
Dikush i mban dorën ndërsa ajo përpiqet të ekuilibrohet në një banak kuzhine.
Megjithatë, pothuajse sapo e lëshon dorën, Mariana Vasiuc humbet ekuilibrin dhe tenxherja i rrëshqet nga poshtë saj, duke bërë që ajo të rrëzohet nga pjesa e pasme e banakut.
“Ironia? Karma? Apo thjesht jeta, e cila gjithmonë na vë në provë forcën në momentin më të papritur. 🤣”, shkroi influencuesja në mbishkrim.
