Aktorja dhe komediania e njohur, Amy Schumer, i ka habitur të gjithë me një fotografi të publikuar së fundmi në rrjetet sociale. Aty duket dukshëm se sa shumë ka rënë në peshë.
44-vjeçarja udhëtoi për në Las Vegas me miqtë e saj Alex Saks dhe Jillian Bell dhe ndau një foto ku tregon se ka hequr shumë kilogramë.
Sipas “Daily Mail”, aktorja amerikane më parë foli hapur për procesin e humbjes së peshës, përfshirë përvojën e tmerrshme me Ozempicun dhe zbuloi se ka vendosur t’i nënshtrohet liposuksionit në vitin 2022.
“E provova Ozempicun pothuajse tre vjet më parë dhe isha sikur isha e shtrirë në shtrat. Po villja dhe nuk kisha energji, por të tjerë po e marrin dhe të gjithë duket se janë mirë”, ka thënë Amy Schumer.
44-vjeçarja pranoi më tej se simptomat që përjetoi pas marrjes së këtij ilaçi nuk ia vlenin humbjes së shpejtë të peshës. Ajo foli gjithashtu për këtë ilaç dhe procesin e humbjes së peshës në vitin 2023 në emisionin “Watch What Happens Live” ku tha:
“Ji e sinqertë me njerëzit. Kur vendosa të bëja liposuksion, e thashë publikisht, nuk fsheha asgjë”.
Aktorja e njohur zbuloi së fundmi se kishte gjetur një kombinim ilaçesh që i dha rezultate të mira dhe theksoi se është e rëndësishme të jetë gjithmonë transparente në lidhje me humbjen e peshës dhe shëndetin e saj.
“Të gjithë i bëjnë këto gjëra para kamerave, doja vetëm të isha e sinqertë për këtë”, tha 44-vjeçarja.
