Një moment i pazakontë është regjistruar gjatë një koncerti të këngëtarit të muzikës popullore Ylli Baka, kur atmosfera e mbrëmjes u tensionua për disa çaste teksa ai po performonte në skenë.
Në videot që kanë qarkulluar në rrjetet sociale, shihet se disa persona nga publiku i afrohen skenës dhe hedhin në drejtim të këngëtarit kuti kartoni dhe lule, duke ndërprerë për pak momente normalitetin e performancës.
Megjithatë, disa komentues kanë sqaruar se një veprim i tillë nuk konsiderohet domosdoshmërisht incident, pasi në disa ambiente argëtimi në Greqi ekziston tradita e hedhjes së luleve ose objekteve të lehta drejt këngëtarëve si formë entuziazmi dhe feste.
Pavarësisht situatës që dukej e pakëndshme në pamje, artisti nuk reagoi me nervozizëm dhe vijoi të këndojë pa ndërprerë programin e tij.
Pamjet janë shpërndarë me shpejtësi në rrjet, duke nxitur diskutime të ndryshme: një pjesë e publikut e ka dënuar këtë sjellje si të papërshtatshme ndaj artistëve, ndërsa të tjerë e kanë interpretuar si pjesë të një zakoni argëtues që haset në evente të ngjashme.