Marrëdhënie që zgjasin
Cili është çelësi i një marrëdhënieje të mirë? Një pyetje që nuk ka një përgjigje të vetme por që sipas ekspertëve secili e projekton sipas mënyrës së tij.
Disa besojnë se ndarja e të njëjtave hobi i mban partnerët të lidhur, ndërsa të tjerë mendojnë se është thelbësore që secili të ketë hapësirën e vet.
Ka nga ata që thonë se çiftet që flenë në shtretër të ndarë janë më të lumtur, ndërsa të tjerë e konsiderojnë këtë si fundin e romancës.
E vërteta sipas ekspertëve është se nuk ekziston një formulë e vetme për suksesin në dashuri, pasi çdo marrëdhënie është unike.
Megjithatë, përvoja e njerëzve që kanë ndërtuar lidhje të qëndrueshme tregon se disa parime bazë përsëriten shpesh.
Shumë prej tyre sipas psikologëve të çifteve theksojnë rëndësinë e përpjekjes për t’ia bërë jetën më të lehtë njëri-tjetrit, qoftë edhe përmes gjesteve të vogla të përditshme.
Të tjerë nënvizojnë se pritshmëritë e larta mund të sjellin zhgënjim dhe se vlerësimi i asaj që ke është një pikë thelbësore për paqen në çift, pa nënkuptuar tolerimin e abuzimit.
Një element tjetër i rëndësishëm është pranimi i dallimeve. Partnerët vijnë nga familje dhe përvoja të ndryshme dhe suksesi varet nga aftësia për t’u përshtatur me këto ndryshime pa i parë si më mirë apo më keq.
Sinqeriteti mbetet një nga shtyllat kryesore të besimit, ndërsa gënjeshtrat, edhe ato të vogla, mund të krijojnë pasiguri dhe distancë.
Shumë këshillojnë që partneri të jetë edhe miku më i mirë, personi me të cilin do të doje të ndaje edhe situatat më të sikletshme.
Miqësia, respekti dhe admirimi reciprok e mbajnë marrëdhënien të fortë edhe kur ndjenjat kalojnë në faza më të qeta.
Po ashtu theksohet rëndësia e lejimit të rritjes personale, pasi njerëzit ndryshojnë me kalimin e viteve dhe përpjekja për ta kontrolluar tjetrin mund ta dëmtojë lidhjen.
Falja e shpejtë, mosmbajtja e mërisë dhe gatishmëria për të lënë ndonjëherë tjetrin të ketë të drejtë janë cilësi që ndihmojnë në ruajtjen e ekuilibrit.
Jo çdo histori dashurie përfundon si në përralla, por ndërtimi i një lidhjeje të shëndetshme mbetet i mundur kur të dy partnerët zgjedhin çdo ditë të investojnë tek njëri-tjetri.