Liqeni Como, i vendosur në rajonin piktoresk të Lombardisë të Italisë, është zbuluar se ‘strehon’ disa makina. Një eksplorim i fundit zbuloi dhjetëra makina, disa mesa duket kishin “pushuar” në pjesën e turbullt të liqenit për vite, duke paraqitur një varrezë të frikshme makinash nënujore. Ndërsa specifikat e markës dhe modelit të çdo automjeti nuk janë të qarta, kjo varrezë e makinave kryesisht italiane, në radhë të parë ngre shqetësime për ndotjen e mjedisit.
Fenomeni i asgjësimit të automjeteve në trupa uji shtrihet në kultura të ndryshme, shpesh i lidhur me motive që variojnë nga mashtrimi në sigurime deri te fshehja e provave të aktiviteteve kriminale. Në disa raste, zbulimi i makinave të zhytura në liqene ose lumenj zbulon misteret që përfshijnë vjedhje apo edhe krime më të rënda, të shënuara nga gjetja tragjike e mbetjeve njerëzore brenda këtyre arkivole nënujore. Zbulimi i një numri kaq të madh automjetesh në fund të liqenit të Komos ngre pyetje të shumta rreth origjinës së tyre.
